អាកាសយានដ្ឋានអន្តរជាតិសៀមរាបអង្គរ (SAI)

អាកាសយានដ្ឋានអន្តរជាតិអង្គរ ក្រោមលេខកូដ IATA ‘SAI’ បានប្រារព្ធពិធីសម្ពោធជាផ្លូវការនៅថ្ងៃទី 16 ខែតុលា ឆ្នាំ 2023 ដែលជាព្រឹត្តិការណ៍ដ៏សំខាន់មួយនៅក្នុងវិស័យអាកាសចរណ៍កម្ពុជា។ ដែលមាន​ទីតាំង​ប្រហែល ៥០ គីឡូម៉ែត្រ​ពី​ភាគ​ឦសាន​ក្រុង​សៀមរាប ក្នុង​ស្រុក​សូទ្រនិគម។

អាកាសយានដ្ឋានសៀមរាបថ្មីមានទំហំធំជាងមុននៅគ្រប់ផ្នែកទាំងអស់ ដែលអាចផ្តល់ជូននូវសេវាកម្មដ៏ល្អប្រសើរ​ និងឱកាសកាន់តែច្រើនសម្រាប់ការហោះហើរត្រង់ទៅមកកាន់ខេត្តសៀមរាប។ វាមានភាពសាមញ្ញ និងងាយស្រួលជាងអ្វីដែលអ្នករំពឹងទុក ក្នុងការស្វែងរកទីកន្លែងជាច្រើន រួមមានភោជនីយដ្ឋាន កាហ្វេ បន្ទប់ទឹក ហាងលក់ទំនិញអត់ពន្ធ រទេះដាក់អីវ៉ាន់ (មិនគិតថ្លៃ) និងសម្ភារៈបរិក្ខារផ្សេងៗទៀតដែលអ្នករំពឹងទុកនៅអាកាសយានដ្ឋានថ្មី។ អាកាសយានដ្ឋានអន្តរជាតិអង្គរ មិនមែនជាព្រលានយន្តហោះដែលបើក 24 ម៉ោងទេ ព្រលានយន្តហោះនឹងបើកចាប់ពីជើងហោះហើរដំបូង ហើយបិទវិញបន្ទាប់ពីជើងហោះហើរចុងក្រោយ។

ចំពោះការធ្វើដំណើរពីអាកាសយានដ្ឋានអន្តរជាតិសៀមរាប-អង្គរថ្មី (SAI) ទៅកាន់ក្រុងសៀមរាប​ ត្រូវបានផ្តល់សេវាដោយសេវាកម្មដឹកជញ្ជូនរបស់អាកាសយានដ្ឋាន សេវាកម្មដឹកជញ្ជូនឯកជន និងរថយន្តតាក់ស៊ី។ អ្នកអាចកក់យានជំនិះនៅពេលមកដល់ព្រលានយន្តហោះ ជាមួយនឹងតម្លៃដែលបានកំណត់រួចជាស្រេច រួមមានឡានតាក់ស៊ីឬឡានក្រុង។ សេវាដឹកជញ្ជូនរបស់អាកាសយានដ្ឋាន ចាប់ផ្តើមពី 8 ដុល្លារអាមេរិកសម្រាប់រថយន្តក្រុង និង 35 ដុល្លារអាមេរិកសម្រាប់តាក់ស៊ី (អ្នកដំណើរ 1-3 នាក់) ។